Description
Treva e Përmetit ofron atraksione të mrekullueshme natyrore që janë ende të paprekura, duke përfshirë luginën e Vjosës, një nga më të bukurat dhe më të njohurat në Shqipëri. Peisazhet e mahnitshme dhe natyra e paprekur është e ndërthurur me fshatra tradicionalë të vendosur në malet madhështore të luginës. Intenerari shkon përgjatë luginës në të dy anët e lumit, duke ofruar peisazhe me të vërtetë të veçanta. Një ekskursion unik, në kontakt me natyrën dhe jetën rurale që ofron emocione të pazëvendësueshme.
Ekskursioni është i përshtatshëm për të gjithë moshat që e duan natyrën e paprekur, pjesën rurale dhe makinën 4×4.
Paketa:
- pika e takimit në Përmet;
- përgatitja e mjeteve dhe pajisjeve të nevojshme;
- nisja drejt pikës kufitare “Tre Urat”;
- ndalesa në pika të caktuara përgjatë rrugës për tu vizituar: pika panoramike, vende historike si rrënojat e Urës së Peratit (vend i kujtesës i konfliktit italo-grek), plazhe në bregun e lumit Vjosa, urat e drurit, fshati dhe ujrat termale të Bënjës;
- kthimi në Përmet.
* Paketat janë fleksibël sipas kërkesave të klientëve; është i mundur realizimi i paketave të personalizuara sipas kërkesave dhe shërbime ekstra si p.sh transport ekstra, intinerare trekking, fjetja në tenda, dreka në shtëpi fshati, degustime etj.
** Minimumi 4 persona
