Description

Ky është një tur me nivel të ulët vështirësie për gjithë njerëzit me shendet të mirë. Nisja bëhet në qendër të fshatit Nivicë në orën 10.00. Do vizitojmë kalanë e vjetër, mësojmë historinë e zonës, dhe shijojmë pamjen e mahnitshme të kanioneve. Më pas do shkojmë në këmbë, në lisat e shenjtë dhe përreth një orë ecim poshtë kanioneve në shpellën e vecantë që ndodhet mes kanioneve. Ata që kanë shpirtin e aventurës mund të notojnë në pellgun e zi në dy anët e kanioneve. (E këshillueshme korrik-gusht).

Rruga e kthimit nuk është shumë e gjatë. Nga ora 13.00-13.30 pm do arrijmë në bujtinën mbi kanion ku na pret një drekë tradicionale e mrekullueshme e gatuar nga të zotët e shtëpisë, si byrek në sac, dhe produkte të tjera si petanik, mish qengji me patate, djathi i zonës etj., Pasdite jeni të lirë të eksploroni fshatin.

Darkën do e shijojmë poshtë yjeve, rreth një zjarri të madh në kopshtin e bujtinës, konsumojmë raki, këndojmë këngë të zonës së Kurveleshit.

Të nesermen zgjohemi herrët shijojmë lindjen e diellit në kanione dhe mëngjesin me petulla, mjaltë dhe qumësht të freskët.