Description
Gjatë turit të qytetit të UNESCO-së ne do të vizitojmë disa nga atraksionet historike të përfshira në UNESCO. Gjithashtu do të vizitojmë disa nga shtëpitë karakteristike si: Shtëpia e Ficos, Shtëpia Muze e Ismail Kadaresë, Sokaku i të Marrëve, Muzeu Etnografik. Pushimin e drekës dhe kafen do t’i konsumojmë tek Jaho Babaramo. Më pas do të vizitojmë Shtëpinë e Zekateve, Shtëpinë e Angonateve, Shtëpinë e Kokalarit dhe do te kthehemi në Pazar.
Ky tur ju njeh me qytetin e Gjirokastrës dhe pjesët e tij që janë në mbrojtje të Trashëgimisë Botërore “UNESCO”.
Dëgjoni me kujdes legjendat, historitë dhe mbi të gjitha vlerat e veçanta të këtyre shtëpive dhe muzeumeve. Do të largoheni nga qyteti me një mister në mendje. Ky tur ju jep një ndjesi se si ka jetuar Shqipëria në shekullin 18-19.
Turi fillon në Qafën e Pazarit dhe do te vazhdojë në shtëpinë e Ficos, Shtëpinë e Kadaresë, Shtëpia e Skëndulatëve, Sokaku i të Marrëve, Zekatet, Angonatet, Shtëpia e Babemetos. Secila nga shtëpitë ka historine dhe karakteristikat e saj të veçanta.
