Featured

Rafting ne Vjose, Permet

35.00


Përshkrimi

Rafting ne lumin Vjose

Lumi Vjosa është një nga lumenjtë e fundit të egër në Evropë. Ai hyn në territorin shqiptar në pikën kufitare të Tre Urave dhe përshkon Bashkinë Përmet dhe Këlcyrë deri në pikën e bashkimit me lumin e Zagorisë dhe Lumin Drino në territorin e Bashkisë Tepelenë deri në grykëderdhjen e tij në detin Adriatik. Kjo pjesë e lumit ofron mundësi të shkëlqyera për rafting dhe forma të tjera të sporteve ujore.

Lugina e Vjosës karakterizohet nga veçori të shumta natyrore. rrjedhen e rrëmbyeshme, kanione, burimet ujore, ishuj dhe kthesa që krijojnë gjarpërime të mrekullueshme, peisazhe panoramike të papërsëritshme, fshatra karakteristike etj. Të gjitha këto veçanti që ndërthuren në harmoni të plotë me njëra-tjetrën. Turistët janë gjithmonë në kontakt të drejpërdrejtë me natyrën e paprekur të luginës, me njerëzit, historinë, traditat dhe pa dyshim me kulinarinë e pasur dhe të shumëllojshme të zonës.

Rafting ne lumin Vjose ofrohet për të gjithë të apasionuarit pas natyrës së egër, aventurës, adrenalinës dhe sporteve në natyrë.

Paketa:

  • transporti nga pika e takimit drejt pikes së lëshimit.
  • përgatitja e gomones, veshja e pajisjeve dhe trajnimi nga guida profesionale lidhur me rregullat bazë të lundrimit me gomone.
  • rafting ne vjose për rreth 18 km.
  • ndalesa në vende të caktuara për tu freskuar në lumë, hedhje nga shkëmbinjtë, foto në grup, video etj.
  • mbërritje në pikën e daljes nga lumi.
  • transporti në pikën e takimit.

 

*Paketat janë fleksibël sipas orareve dhe kërkesave të klientëve. Mundësojmë realizimin e paketave të personalizuara sipas kërkesave tuaja dhe shërbimeve ekstra. Për shembull transport ekstra, akomodim në tenda apo në struktura që ne kemi bashkëpunim, drekë tradicionale në shtëpi fshati, degustime, muzikë live me orkestër folkloristike etj.

** Minimumi 4 persona

Informacione të tjera

Lloji

rafting me gomone 6 ose 8 vendëshe, shoqëruar nga guidë profesionale i çertifikuar në nivel europian (guidat flasin gjuhët shqip, anglisht, italisht, gjermanisht, greqisht, rumanisht).

Çmimi

Përfshin – transportin, pajisjet personale për rafting, guidë rafting, foto e video, merendë. Nuk përfshin – transportin deri në pikën e takimit, pije dhe ushqime

Periudha

Prill-Tetor (pranojmë edhe kërkesa jashtë sezonit)

Mosha e lejuar

10 vjeç + (minorenët duhet të jenë të shoqëruar)

Niveli i vështirësisë/Eksperienca

(Mesatar) Lumi Vjosa është i kategorizuar për rafting të nivelit II-III (rrjedhje e shpejtë me dallgë të vogla) duke mos paraqitur rreziqe të konsiderueshme apo vështirësi të theksuara në lundrim.
Nuk kërkohet eksperiencë e mëparshme rafting; përpara fillimit të udhëtimit, guida profesionale do të shpjegojë rregullat bazë të lundrimit me gomone.

Vendi i takimit

në qytetin e Përmetit, sipas dëshirës të klientit

Udhëzime për pjesmarrësit

pjesmarrësit duhet të dine të notojnë dhe të kenë një gjendje të mirë shëndetësore. Persona me probleme të zemrës, frymëmarrjes dhe probleme të tjera shëndetësore të cilat janë të papajtueshme me kryerjen e aktiviteteve sportive, nuk u rekomandohet pjesmarrja në rafting. Në rast të patologjive të njohura, firmoset formulari i deklaratës së përgjegjësisë.

Çfarë duhet të kini me vete

rroba banje;
veshje sportive;
sandale ose atlete të forta për ecje dhe për ti përdorur gjatë rafting nëse duhet;
peshqir;
krem për mbrojtjen nga dielli;
rroba të thata për tu ndërruar pas udhëtimit;
syze dielli dhe kapele (opsionale).

“Vjosa Explorer” siguron

kostum neoprene;
çorape uji;
jelek shpëtimi;
kokore;
xhakavento uji;
kutia e ndihmës së shpejtë;
materiale ekstra sipas kërkesave.

Reviews

There are no reviews yet.

Be the first to review “Rafting ne Vjose, Permet”

Your email address will not be published. Required fields are marked *