Pershkrimi i Turit

Dita I:

• Pikëtakimi me guidën në orën 9:00 në qëndër të Përmetit nga ku do të  bëhet nisja me makinat e përcaktuara.
• Shijojmë 30 minuta ujrat e ngrohta termale me veti të shumta kurative në Bënjë
• Pas këtij pushimi do të vazhdojmë me makinë ngjitjen mbi kanionet e
• Langaricës nga ku do të shohim  ujin e lumit të Vjosës së egër nga një lartësi prej 600 m .
• Njihemi me fshatin Ogdunan, ndërtuar që prej shek 13, me shtëpitë e vjetra me gur të zi 200 vjecare, të pa prekura nga koha, shtrirë rrëzë malit.
• Vizitojmë strehën në burimin e fshatit, shkollën e vjetër si dhe kishën e Shën Marisë.
• Më tej Entela do të na presë ne bujtinën e saj për tu akomoduar dhe për të shijuar drekën me ushqimet e shijshme të fshatit.
• Pasdite na pret Kastrioti ne parkun e tij të bletëve, për të përjetuar eksperiencën e bletarit, vjelim mjaltë apo përgatisim produkte me bazë mjalti.
• Darka do të shijohet rreth oxhakut me histori dhe ushqime tipike.

Dita II:

• Do të zgjoheni herët nga këmborët e bagëtive dhe kënga e zogjve për një mëngjes të bollshëm me qumësht, mjaltë, petulla, frutat e baçes, vezë pule etj.
• Ngjitemi me këmbë në majen e fshatit Postenan për rreth 1 orë e 30 min nga ku duket gjithë lugina deri në fshatrat e Greqisë.
• Vizitojmë rrënojat e repartit të vjetër ushtarak si dhe llixhat e vjetra me avull
• Dreka do të jetë piknik nën hijet e pemëve të larta për tu kthyer më pas në fshat me këmbë.
• Kthimi me makinë në qëndër të Përmetit, në pikën e takimit.