Description
Përmetit ofron bukuri natyrore të mrekullueshme të paprekura nga dora e njeriut. Midis tyre është Parku Kombëtar “Bredhi Hotoves – Dangëlli”, njëri nga më të mëdhenjtë dhe më të njohurit në Shqipëri. Stacioni pyjor “Bredhi Hotoves – Dangëlli” ka disa shtigje që të cojnë drejt zemrës së parkut duke ofruar kështu mundësinë e një udhëtimi të veçantë, në kontakt të drejtpërdrejtë me natyrën dhe jetën rurale duke falur emocione të pazëvendësueshme.
Udhëtimi ofrohet për të gjithë njerëzit e apasionuar pas natyrës së egër, jetës rurale dhe udhëtimit me fuoristradë.
Paketa:
- pika e takimit në Përmet;
- përgatitja e mjetit 4×4 dhe mjeteve të nevojshme;
- nisja drejt stacionit pyjor Bredhi i Hotoves – Dangëlli;
- mbërritja dhe fillimi i trekking;
- dreka me vete;
- kthimi në stacionin pyjor;
- vizita e kanionit të Kamenckës;
- kthimi në Përmet.
Udhëzime për pjesmarrësit: duhet të kenë një gjendje të mirë shëndetësore. Udhëtimi kryhet me makina 4×4 në pjesën më të madhe në rrugë të pashtruara, sipas dëshirës mund të ketë dhe ecje në këmbë. Personat me probleme alergjie apo probleme të tjera që lidhen me vizitën në natyrë të vënë në dijeni organizatorët para nisjes së udhëtimit. Mjetet, pajisjet dhe guida garantojnë një udhëtim komod dhe të sigurt.
* Paketat janë fleksibël sipas kërkesave të klientëve; është i mundur realizimi i paketave të personalizuara sipas kërkesave dhe shërbime ekstra si p.sh transport ekstra, intinerare trekking, fjetja në tenda, dreka në shtëpi fshati, degustime etj.
** Minimumi 4 persona
