Atraksionet Kulturore & Natyrore në Gjirokaster

Ura e Kordhocës në Gjirokastër

Ura historike e Kordhocës në Luginën e Drinos është ndërtuar në 1820 dhe është 20 metra e gjatë dhe 7 metra e lartë. Ura është e shpallur monument kulture e kategorisë së parë dhe është shumë e rëndësishme sepse është rruga e vetme që për shumë dekada ka lidhur Gjirokastrën me Libohovën dhe Janinën
Fakti që është ende shumë e fortë sot e kësaj dite, tregon për cilësinë e ndërtimit të një infrastructure të tillë, me materialet më të mira dhe mjeshtrat më të mirë. Ura ka një arkitekturë tipike orientale, me tre harqe të dekoruara dhe të shtruara me gurë.
Ura ka qene e rrezikuar, por së fundi i është nënshtruar një restaurimi dhe është në gjendje të mirë për t’u vizituar nga kushdo.