Atraksionet Kulturore & Natyrore në Gjirokaster Zbuloni rajonin tonë

Monumenti Heroinat

Monumenti Heroinat është ndërtuar në nderim të dy vajzave të reja, Bule Naipi dhe Persefoni Kokëdhima, të cilat kanë qenë partizane në Luftën e Dytë Botërore dhe u varën nga Nazistët në vitin 1944.

Në cep të sheshit “Çerçiz Topulli” gjendet skulptura prej guri të bardhë e dy heroinave me qëndrim ballëlartë dhe me duart e kryqëzuar pas. Ato njihen si Heroinat e Varura të Gjirokastrës. Të dyja vajzat ishin rreth moshës 20 vjeçare kur Shqipëria u pushtua nga Fashistët. Për të mbrojtur vendin e tyre, dy vajzat rrëmbyen armët dhe dolën partizane. Bule u lind në Gjirokastër, ajo nderohet dhe me një monument në lagjen Dunavat. Ajo ka qenë anëtare e grupit rinor “Qemal Stafa”. Ndërsa Persefoni mendohet të jetë nga Qeparoi, dhe jo nga Gjirokastra. Dy partizanet e reja u kapën nga forcat Gjermane dhe u varën në shesh, në vendin ku gjendet sot monumenti i tyre.