Description
1 ditë / rreth 6 orë ku përfshihet kalërimi, dreka në fshatin Dhoksat dhe një guidë e shkurtër mbi banesën karakteristike, krojet dhe historinë e zonës.
Kjo eksperiencë është e përshtatshme për persona me formë të mirë fizike, të gatshëm për aventurë dhe për të përballuar orë të gjata mbi kalë. Nuk do të jetë një “gjueti dhelprash” por do të jemi në kërkim të tyre gjatë gjithë udhëtimit.
Udhëtimi nis nga qendra e kujve mbi fshatin “Asim Zeneli” me një zbritje fillimisht me këmbë për 15 minuta duke drejtuar kalin. Më tej kalërimi përshkon repartin e tankeve dhe fillon ngjitjen për në kodrën e kalasë së Shën Triadhës. Peisazhi në ngjitje është madhështor dhe vështirësia e kalërimit e ulët. Dhelpra është një prej kafshëve që hasen më shpesh në këtë territor. Do të shihni disa teksa shijojnë avantazhet e një habitati perfekt me shkurre dhe pemë të rralla. Loja e dhelprave është dicka e vecantë për tu parë nëse ndodh.
Ndalesa e parë do të jetë në rrënojat e kalasë së Shën Triadhës për të folur për historinë e antike, mesjetare, historinë si pjesë e infrastrukturës së mbrojtjes gjatë komunizmit dhe historinë moderne të këtij monumenti të braktisur prej 3 dekadash.
Udhëtimi do të vazhdojë me zbritje drejt shtigjeve mesjetare të karvaneve të tregëtarëve, shtigje që lidhnin dikur fshatrat e zonës me njëri-tjetrin. Kalimi me kalë në këtë segment është vërtetë një kthim pas në kohë ndërsa natyra ofron larmi dhe ndryshim të peisazhit pas cdo kthese. Në fushëpamjen tuaj do të ketë natyrë të gjelbërt, një liqen rrethuar nga pemë, rrjedha të vogla uji, vreshta, tokë të kultivuar, kope me bagëti dhe atmosfera e jetës rurale.
Pas rreth 2 orësh do të kemi mbërritur në fshatin Dhoksat një prej qendrave kryesore të Lunxhërisë. Fshati I njohur për portat historike, banesat dy-katëshe qindra-vjecare të ndërtuara me gur të zi, pikturën murale, tavanet e gdhendura në dru, polifoninë, kostumin traditcional 2000 vjecar, krojet, kalldrëmet dhe pjellorinë e tokës do të jetë ndalesa jonë për drekën. Pas sistemimit të kuajve dhe një turi të shkurtër historik në fshat do të provoni 10 shijet më të vecanta vegjetariane të krahinës gatuar me dashuri nga një gjyshe lunxhote shoqëruar me verë, raki, caj mali e ujë burimi në verandën e lulëzuar të banesës së Dhoksatit.
Itinerari në kthim do të jetë disi më sfidues dhe do të ofrojë një kënd tjetër të të parit të luginës së Drinos. Shtigjet e vendosura mbi kodra dhe lëndina kombinohen me përrenj të thellë, stane,rrënoja mesjetare, liqenin e Qestoratit dhe sigurisht ofrojnë mundësi për të pikasur dhelprën.
Itinerari në kthim do të zgjasë rreth 2 deri 2,5 orë dhe do të përfundojë tek qendra e kuajve.