Bletari “Sali”
Flora Sali Farm
Guest House – Bletari “Sali” ndodhet në fshatin Gostivisht, një nga zonat malore më të bukura të rrethit Përmet. Për të gjithë dashamirësit e natyrës, në këtë zonë keni mundësi të shijoni një natyrë të bukur, të paprekur dhe me një florë dhe faunë të pasur. Rrugës drejt fshatit Gostivisht mund të vizitohen mjaft vende piktoreske siç janë ujërat termale të Bënjës dhe urat otomane mbi lumin Lengarica. Aktiviteti ynë kryesor është mbarështimi i bletëve dhe prodhimi i mjaltit i cili është i një cilësie të lartë dhe mjaft i kërkuar. Gjithashtu, ofrojmë shërbimin e akomodimit në guest house për 6 persona si dhe dreka e darka të mbështetura mbi pjatat tipike lokale me km 0, të zonës së Dangëllisë.
¤ mjaltë shumëlulesh ¤ mjaltë mare
¤ mjaltë bedunice ¤ polen
¤ propolis ¤ dyll