Çfarë është Shoqata Visit Gjirokastra?

https://www.visit-gjirokastra.com/wp-content/uploads/2020/10/vgj.jpg

Një shoqatë e bizneseve turistike të qarkut të Gjirokastrës, e regjistruar në 23 shtator 2019 në Gjykatën e Tiranës, me numer vendimi 6323 link sipas ligjit shqiptar për shoqatat jo qeveritare e jofitimprurëse. Shoqata vepron në bazë anëtarësimi dhe është e hapur për gjithë bizneset turistike të qarkut të 7 Bashkive (Gjirokastër, Përmet, Tepelenë, Dropull, Libohovë, Memaliaj e Këlcyrë), ku përfshhen: tur operatorë, hotele, restorante, agrobiznese, guida si dhe përfaqësues nga 7 bashkitë e qarkut. Qëllimi është promovimi turistik i gjithë qarkut dhe i bizneseve turistike në qark, përmes portalit online Visit Gjirokastra. Gjithashtu objektiva të tjara janë organizimi i eventeve dhe panaireve, ideimi i paketave turistike gjithëpërshirëse, aplikimi për projekte  turistike, organizimi i trajnimeve etj.Krijimi i shoqatës u mbështet nga Risi Albania.

Rreth projektit?

Në verën e vitit 2018, RisiAlbania, një projekt nga Agjencia Zvicerane për Zhvillim dhe Bashkëpunim nisi një thirrje për brandimin e Gjirokastrës si destinacion turistik dhe ndërtimin e portalit të turizmit. DMO Albania, një Organizatë e Menaxhimit të Destinacionit e përbërë nga një ekip ekspertësh në turizëm, marketing dixhital dhe krijimin e përmbajtjes, u shpall fituese e projektit. Qëllimi nuk ishte vetëm krijimi i një strategjie të markës, dhe ndërtimi i imazhit të rajonit të Gjirokastrës si destinacion, por gjithashtu krijimi i një shoqate të aktorëve të turizmit.

MISIONI YNË

Ne bashkojmë dhe mbështesim anëtarët tanë dhe aktorët e turizmit në përputhje me vizionin tonë për turizmin në qarkun Gjirokastër duke i ndihmuar ata në mënyrë efektive dhe krijuese në përpjekjet e tyre për të përmirësuar produktet turistike, ofertën turistike, shitjet dhe marketimin.

VIZIONI PËR QARKUN

Në 5 vitet e ardhshme, qarku Gjirokastër do të bëhet destinacioni më i kërkuar për turizmin gjithëvjetor ku mund të shijohen eksperienca dhe histori autentike shqiptare të bazuara në traditat tona unike, natyrën e paprekur dhe historinë e pasur, duke sjellë përfitime për komunitetet në zonat rurale dhe urbane.

QËLLIMI

Qëllimi i shoqatës është promovimi turistik i gjithë qarkut dhe i bizneseve turistike në qark, përmes portalit online visit-gjirokastra.com, organizimit të eventeve dhe panaireve, ideimit të paketave turistike gjithëpërshirëse, aplikimit për projekte turistike, organizimit të trajnimeve etj.

PORTALI WWW.VISIT-GJIROKASTRA.COM

Një platformë unike informacioni për turizmin në qarkun Gjirokastër, e hapur për gjithë bizneset turistike që janë anëtarë të Shoqatës Visit Gjirokastra. Një portal i integruar në mënyrë shumë dinamike me mediat sociale, i renditur tashmë në faqe të parë në Google, me larmi artikujsh unikë në dy gjuhë. Portali i ideuar dhe ndërtuar nga DMO Albania kagjeneruar kërkesa për bizneset e listuara që në vitin e parë të krijimit. Krijimi i portalit dhe gjithë puna për promovimin dhe ngritjen e tij është mbështetur nga Risi Albania.

Behu Anetar I Shoqates Visit Gjirokastra

Përse të bëhesh anëtar? Çfarë përfiton?
  • Bëhesh pjesë e vendimarrjes për mënyrën si promovohet qarku Gjirokastër, në organizimin eeventeve, panaireve etj
  • Listohesh në portalin turistik Visit Gjirokastra
  • Merr reklamim dhe vizibilitet të shtuar dhe të dedikuar
  • Merr klientë direkt për biznesin tend që vijnë nga portali
  • Bëhesh pjesëe projekteve dhe trajnimeve të ndryshme
Cili është detyrimi juaj?
  • Zbatoni rregulloren dhe vendimet për të cilat bihet dakord në Asamblenë e kësaj shoqate
  • Paguani një kosto vjetore, si anëtar i shoqatës, në afatin e duhur (ashtu siç bihet dakord nëAnsamble)
  • Ruani konfidencialitetin e vendimeve, planifikimeve, kalendareve që prodhon kjo Ansable
  • Vini në dispozicion informacione shtesë për cdo ndryshim në biznesin tuaj, për tu paraqitur nëportal në mënyrën më të mirë të mundshme
  • Kontribuoni me ide, sugjerime, artikuj në të mirë të promovimit të përgjithshëm të qarkut.

Kush jane anëtaret e Shoqatës Visit Gjirokastra Lista Download

Visit Gjirokastra Flyer

Vendim Gjykate